საქართველოს მეცნიერებათა ეროვნული აკადემიისა და საქართველოს მართლმადიდებელ ეკლესიასთან არსებული ქრისტიანული კვლევის საერთაშორისო ცენტრის ორგანიზებით სასტუმრო „რედისონ ივერიაში“ ჩატარდა საერთაშორისო სიმპოზიუმი „მარადიული ღირებულებები და მარად ცვალებადი სამყარო“, რომელიც მიეძღვნა უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია II-ის აღსაყდრებიდან 45 და დაბადებიდან 90 წლისთავს.

17 თებერვალს სიმპოზიუმის მესამე სექციაში „მარადიული ღირებულებები და საზოგადოება“ მოხსენებით „რა ემართება ჩვენს ღირებულებებსა და მსოფლმხედველობას პოსტეპოქაში?“ წარდგა ჩვენი უნივერსიტეტის რექტორი, პროფესორი, არქიმანდრიტი ადამ ვახტანგ ახალაძე. იგი გახლდათ ამავე სექციის ყველა სამეცნიერო სხდომისა და მრგვალი მაგიდის (კონფერენციის დახურვის სხდომის) მოდერატორი პროფესორებთან კრისტიან ფრეისთან (გერმანია), ეუნულა მადათლისთან (აზერბაიჯანი), მანანა გაბაშვილსა (საქართველო) და ელმარ კუნისთან (ავსტრია) ერთად.