რეპორტაჟები თამარიუნიდან. მიმოიხედე 

შემოდგომაა. ფოოლცვენას ებრძვიან თბილისელი მეეზოვეები. ყვავილების ბაზარი ხილისას ეჯიბრება და ფერების ნომინაციაში აშკარად სჯაბნის. ფოთოლცვენა თავის პიკისკენ, როგორც ოცნებისკენ, მიდის ჯიუტად, სიშიშვლისადმი ერთგულებით, სირუხიდან ამოვარდნილი ქარებისა და აწითლებულ ფოთოლთა სიყვითლის თანხლებით.

იხ. სრულად

საქართველოს საპატრიარქოს  წმინდა თამარ მეფის სახელობის უნივერსიტეტი,
უნივერსიტეტის რექტორი, ადმინისტრაცია,
მეგობართა და მხარდამჭერთა დარბაზი,
პროფესორ-მასწავლებლები და სტუდენტები

თანამედროვე მუსიკალური ხელოვნების უდიდეს მოღვაწეს,
პიანისტსა და პედაგოგს 

ქალბატონ ელისო ვირსალაძეს 

ულოცავს იუბილეს
უსურვებს დღეგრძელობასა და დიდ შემოქმედებით წარმატებებს! 

იხ. სრულად

როგორ ვიპოვოთ იმედი ცხოვრების სიძნელეებში

11-15 ოქტომბერს კუნძულ როდოდსზე (საბერძნეთი) მიმდინარეობდა მე-4 საერთაშორისო კონფერენცია თემაზე „იმედი აღგვადგენს. როგორ ვიპოვოთ იმედი ცხოვრების სიძნელეებში“. ღონისძიება გაიმართა მსოფლიო საპატრიარქოს ეგიდით. ორგანიზატორი გახლდათ მსოფლიო საპატრიარქოს სამოძღვრო ჯანდაცვის ქსელი.

იხ. სრულად

უნივერსიტეტის რექტორი, ადმინისტრაცია, თანამშრომლები ,
პროფესორ-მასწავლებლები და სტუდენტები ღრმა მწუხარებას გამოვთქვამთ  
მედიცინის მეცნიერებათა დოქტორის, აკადემიკოს
ფრიდონ თოდუას გარდაცვალების გამო

და სამძიმარს ვუცხადებთ მის ოჯახს, კოლეგებს, მეგობრებს.

იხ. სრულად

ბატონ სიმონ ზაზაძის ხსოვნის დღე

დღეს წმინდა თამარ მეფის უნივერსიტეტის საპატიო დოქტორის ბატონ სიმონ ზაზაძის ხსოვნის დღეა.

ერთი წლის წინ, დღევანდელ დღეს გარდაიცვალა ერთ–ერთი ყველაზე უფრო ცნობილ და დიდ  ქართველთაგანი ბატონი სიმონ ზაზაძე.

მაშინ ამ ცნობამ ელვის სისწრაფით შემოიარა მსოფლიო, მრავალი ქვეყანა, მთელი კონტინენტი.

ამ ცნობამ დაამწუხრა და ჩააფიქრა მრავალი ადამიანი – საქართველოში მცხოვრები, თურქეთელი და საზღვარგარეთის სხვა ქვეყნებში მცხოვრებნი ქართველნიც.

იხ. სრულად

ერთი სტროფის თარგმნა გავბედე, რომელიც ვალენტინ ნიკიტინის ეპიტაფიად გამოდგება:

не плакаться а плакать и беззвучно
поводья слёз упущены уже
и скачет смерть; за мною неужель?
наездница! – с ней встреча неминуча

ნუ დაიჩივლებ სჯობს იტირო და ისიც უხმოდ
ვერ დავუკავე გვიანია ცრემლებს სადავე
ჩემი გულისთვის მოჭენაობს სიკვდილი ნუთუ?!
ამხედრებულა! – გაეცლები მაგრამ სადამდე

დღეს ქობულეთიდან შეგვატყობინეს, რომ მოულოდნელად გარდაიცვალა ცნობილი ღვთისმეტყველი, ფილოსოფოსი, საზოგადო და საეკლესიო მოღვაწე, პოეტი, მთარგმნელი, ლიტერატურისმცოდნე, კულტურის მკვლევარი, პუბლიცისტი, რუსეთის საბუნებისმეტყველო მეცნიერებათა აკადემიის აკადემიკოსი, ფილოსოფიის მეცნიერებათა დოქტორი, საქართველოში დაბადებული (1947 წლის 2 მარტს) და მისი დიდი გულშემატკივარი, თბილისის სახელმწიფო უნივერსიტეტის ფილოლოგიის ფაკულტეტის კურსდამთავრებული, ჩვენი დიდი მეგობარი ბატონი ვალენტინ ნიკიტინი.

ორი დღის წინ იგი სტუმრობდა ჩვენს უნივერსიტეტსა და თამარწმინდას. 

3 ოქტომბრის 04 სთ 52 წუთზე ვალენტინ ნიკიტინმა მომწერა თურმე ბოლო ელექტრონული გზავნილი. მანამდე ორჯერ გადავუგზავნე ის მასალები, რაზეც ვისაუბრეთ, რასაც დავპირდი და სპეციალურად დავწერე...

დავკარგეთ არაჩვეულებრივი მოაზროვნე, დიდი პიროვნება და მეგობარი. დაგვრჩა აუწონავი და გაუზომავი ტკივილი და სევდა.

ერთი ხანი ჟურნალში „Наука и религия» („მეცნიერება და რელიგია“) ვალენტინ ნიკიტინს მიჰყავდა რუბრიკა „Человек перед лицом смерти и бессмертия» („ადამიანი სიკვდილისა და უკვდავების პირისპირ“). მას ჰქონდა გამოხატული ინტერესი ქრისტიანული ანთროპოლოგიური პრობლემების მიმართ, მიისწრაფოდა ადამიანის (პიროვნების), მისი სიკვდილისა და უკვდავების საიდუმლოს გააზრებისაკენ მათ შორის მსოფლიო რელიგიების, რელიგიურ-ფილოსოფიურ და მისტიკურ სწავლებათა კონტექსტში.

მის მაღალპოეტურ ლექსებში დარჩა შემოქმედის იმისთანა ხმა, რომელიც არავის ხმაში არ აგერევა!

მისი მაღალპოეტური ლექსები დარჩა, როგორც დიდი პოეზიის დღევანდელი ხმა მარადისობაში!

მამა ადამი

უნივერსიტეტის რექტორი, ადმინისტრაცია, თანამშრომლები, 
პროფესორ-მასწავლებლები და სტუდენტები იუწყებიან, რომ 
გარდაიცვალა ჩვენი უნივერსიტეტის მეგობარი

ცნობილი ღვთისმეტყველი, ფილოსოფოსი, საზოგადო და საეკლესიო მოღვაწე, პოეტი, მთარგმნელი, ლიტერატურისმცოდნე, კულტურის მკვლევარი, პუბლიცისტი, რუსეთის საბუნებისმეტყველო მეცნიერებათა აკადემიის აკადემიკოსი, ფილოსოფიის მეცნიერებათა დოქტორი, საქართველოში დაბადებული (1947 წლის 2 მარტს) და მისი დიდი გულშემატკივარი, თბილისის სახელმწიფო უნივერსიტეტის ფილოლოგიის ფაკულტეტის კურსდამთავრებული, ბრიუსელის ინფორმაციული უნივერსიტეტის პროფესორი 

ბატონი ვალენტინ ნიკიტინი

და სამძიმარს უცხადებს განსვენებულის ოჯახსა და ახლობლებს.

უნივერსიტეტის კურთხევა

დღეს ახალი სასწავლო წლის დაწყებასთან დაკავშირებით იკურთხა ჩვენი უნივერსიტეტი. კურთხევის წესი აღასრულეს არქიმანდრიტმა ადამ ახალაძემ წმიდა იოანე ღვთისმეტყველის სახელობის ეკლესიის მღვდელმსახურებთან მამა გიორგი ყანჩაველსა და მამა გიორგი პაპავასთან ერთად.

იხ. სრულად

ბატონი ვალენტინ ნიკიტინი სტუმრად უნივერსიტეტში

დღეს ჩვენს უნივერსიტეტს ეწვია ცნობილი ღვთისმეტყველი, ფილოსოფოსი, საზოგადო და საეკლესიო მოღვაწე, პოეტი, მთარგმნელი, ლიტერატურისმცოდნე, კულტურის მკვლევარი, პუბლიცისტი, რუსეთის საბუნებისმეტყველო მეცნიერებათა აკადემიის აკადემიკოსი, ფილოსოფიის მეცნიერებათა დოქტორი, ჩვენი დიდი მეგობარი ბატონი ვალენტინ ნიკიტინი.

იხ. სრულად

ახალი მონოგრაფია რუმინულ ენაზე

აკადემიური სერიის Studia Academica მეშვიდე ტომად რამნიკუს არქიეპისკოპიის (რუმინეთი) გამომცემლობა Praxis-მა გამოსცა წიგნი:  „წმინდა ანთიმოზ ივერიელი – ევროპული და კავკასიური კულტურა და სულიერება მე-17 საუკუნის ბოლოსა და მე-18 საუკუნის დასაწყისში“. გამოცემის კოორდინატორები და შემდგენელ-რედაქტორები არიან: პროფესორი დეკანოზი ნიკოლაოს დურა, დოქტორი კატალინა მიტიტელუ და დოქტორი მამა შტეფან ზარა.

იხ. სრულად

slogani lurjze gold